「有個英國人西我面、唔應我」 香港人患上種族歧視敏感的情況

「有個英國人西我面、唔應我」 香港人患上種族歧視敏感的情況

很多聲稱中立的報章,在移民潮之下,都喜愛「重視」英國的種族歧視的情況。最近有報章以「BNO移民英國=免費移民? 顧問:不要抱「唔執輸」心態 呢3大因素要考慮」為題,聲稱有「排華」問題,引發網民討論。筆者在英國住了很長時間,當然不能說英國完全無歧視,最近英格蘭失落歐國盃,有英國人用歧視字眼罵三位黑人球員,大家可看到歧視仍存在。筆者今次想說的,其實是經常聽到香港人在英國所面對的歧視行為,似乎有點誇大過頭。

還記得早前看電視台一個節目,有位女士雖然聲稱移英無後悔,但也有「投訴」一下在英國遇到被「西面」(態度不好、黑面)的「歧視」問題。這令筆者不敢想問,難度在香港你又會發覺每個服務員都笑面迎人?筆者不是要投訴香港人態度差,畢竟生活緊張、社會環境惡劣、長時間工作,難免返工都笑唔出。英國雖然有更佳的勞工保障,但不代表每一個英國人都立即愛上返工(除非佢撞邪例外),返工西口西面一啲都唔出奇。遇上西面或唔應你的情況,無需過份敏感,去搵過第二個店員就好了。

雖然香港人自細都會學英文(而家個啲唔知啦),但未必每一個人都有機會講。筆者一開始講英文口音都勁重香港味,身邊根本無朋友聽得明,但在唔怕死周圍識英國人的朋友下,口音終於無咁重,而身邊的英國朋友聽得明。你可以試一試張心比心,若果你遇到一個遊客,你唔知佢講緊乜嘢語言嘅時候,你嘅反應係咪一定會停低,慢慢花幾個鐘頭理解佢講乜?有英國人選擇唔應,又或者請你行開,其實都係正常人的表現,未必算係種族歧視。

其實還有一些敏感反應的例子,例如筆者見過有香港人在英國公司工作態度奇差,唔識又唔問,之後老細忍唔住炒咗佢,佢就話人種族歧視。筆者今次難以一次過講曬咁多個過份敏感個案,但希望移英香港人唔好再見少少嘢,就懷疑英國人歧視。「今日有個英國人係街見到我就彈開,一定係歧視我係黃種人」,其實,會唔會因為佢只係因為遵守社交距離?態度應避免過份敏感,正面一點才能融入,世界上總會有壞人,盡量唔理佢就好了。就像拍拖一樣,應給予多一點的信任。若常常懷疑對方「偷食」,這段感情將無法發展,最後一定分手收場。

入英隨俗為winandmac新聞新專欄,從香港人的角度,談及在英國生活的各種不同衝擊。無論你是否已身在英國開展新生活,抑或打算快將去英國,本專欄作者與大家在英國一同成長和學習,母忘香港人的身份,同時也融入英國文化。